இந்தக் கோடை வெப்பத்திலிருந்து தப்பிக்க பலர் ஃபிரிட்ஜில் வைத்த ஐஸ் வாட்டரை குடிப்பது வழக்கம். கடுமையான வெப்பத்திலிருந்து சற்று நிவாரணம் பெறுவதற்காக, வெளியில் இருந்து வீட்டிற்குத் திரும்பியவுடன் குளிர்சாதனப் பெட்டியில் இருந்து ஐஸ் வாட்டரை குடிக்கும்போது கிடைக்கும் சுகம் அலாதியானது. ஆனால் இந்தப் பழக்கம் உடல் நலத்திற்குத் தீங்கு விளைவிப்பதாக நிரூபிக்கப்பட்டுள்ளது. ஆம், நிபுணர்களின் கூற்றுப்படி, இது உடல் வெப்பநிலையில் திடீர் மாற்றத்தை ஏற்படுத்துகிறது, செரிமான அமைப்பைப் பாதிக்கும் என்று கூறப்படுகிறது.
திடீரென மிகவும் குளிர்ந்த நீரைக் குடிப்பதால் உடல் வெப்பநிலையில் சமநிலையின்மை ஏற்பட்டு, அது பல்வேறு உடல்நலப் பிரச்சனைகளுக்கு வழிவகுக்கும் என்று மருத்துவர்கள் கூறுகின்றனர்.
ஒருவர் கடுமையான சூரிய ஒளியிலிருந்தோ அல்லது வெப்பமான காலநிலையிலிருந்தோ உள்ளே வரும்போது, அவரது உடல் ஏற்கனவே அதிக வெப்பநிலையில் இருக்கும். எனவே, குளிர்ந்த நீரைக் குடிப்பது ஒரு உடனடி அதிர்ச்சியை ஏற்படுத்துகிறது. இது உடலின் இயற்கையான செயல்முறைகளைச் சீர்குலைப்பதோடு, செரிமான அமைப்பிலும் எதிர்மறையான தாக்கத்தை ஏற்படுத்துகிறது
குளிர்ச்சியான வெளிப்புறப் பொருளை அதன் இயல்பான வெப்பநிலைக்குக் கொண்டுவர உடல் கடுமையாக உழைக்க வேண்டியிருப்பதால், வாயு, அஜீரணம் மற்றும் வயிற்றுப் பிடிப்பு போன்ற வயிற்றுப் பிரச்சனைகள் ஏற்படலாம். இது தவிர, தொண்டை வலி, குளிர் நடுக்கம் மற்றும் தலைவலி போன்றவையும் ஏற்படலாம்.
எனவே, உடலின் சமநிலையைப் பேணுவதற்காக, சாதாரண அல்லது அறை வெப்பநிலையில் உள்ள நீரைக் குடிப்பதற்கு முன் 10 முதல் 15 நிமிடங்கள் வரை காத்திருப்பது நல்லது என மருத்துவர்கள் அறிவுறுத்தியுள்ளனர்
