டெஸ்லா எலெக்ட்ரிக் கார்களின் விலை ரூ. 2 லட்சம் வரை குறைப்பு…
விற்பனையை அதிகரிக்க எலான் மஸ்க் அதிரடி அறிவிப்பு…
டெஸ்லா கார்களின் விலையை குறைப்பதாக அந்நிறுவனத்தின் இயக்குனர் எலான் மஸ்க் அறிவித்துள்ளார்.
ஏப்ரல் 21 முதல் இந்த விலை மாற்றம் நடைமுறைக்கு வருவதாக டெஸ்லா தெரிவித்துள்ளது.
இதன்படி புதுப்பிக்கப்பட்ட X வகை மாடல்களின் ஆரம்ப விலை சுமார் 65 லட்சம் ரூபாயாகவும், மாடல் Y – base rear wheel drive வகையின் ஆரம்ப விலை இந்திய ரூபாய் மதிப்பில் 37 லட்சத்தில் இருந்து 35 லட்சம் ரூபாயாகவும், Y- Long Range மாடல்களின் ஆரம்ப விலை 42 லட்சத்தில் இருந்து 40 லட்சம் ரூபாயாகவும் குறைக்கப்பட்டுள்ளது.
மேலும் S-dual motor வகை மாடல்களின் ஆரம்ப விலை 62 லட்சத்தில் இருந்து 60 லட்சமாகவும், S-tri motor வகை மாடல்களின் ஆரம்ப விலை 75 லட்சத்தில் இருந்து 73 லட்சமாகவும் குறைக்கப்பட்டுள்ளது.
இந்த விலை மாற்றம் சீனா மற்றும் அமெரிக்காவுக்கு மட்டுமே பொருந்தும் என அறிவிக்கப்பட்டுள்ளது.
===========
