இஸ்ரேலுக்கு விழுந்த மரண அடி இடத்தை காலி செய்யும் டென்மார்க் நிறுவனம்.
பாலஸ்தீன இளைஞர் இயக்கத்தின் தலைமையிலான ஆர்வலர்களின் தொடர்ச்சியான போராட்டங்களுக்கு பலனாக, ஆக்கிரமிக்கப்பட்ட மேற்குக் கரையில் இஸ்ரேலின் சட்டவிரோத குடியேற்றங்களுடன் தொடர்புடைய நிறுவனங்களுடனான வர்த்தகத் தொடர்பை டென்மார்க்கின் மிகப்பெரிய கப்பல் போக்குவரத்து நிறுவனமான மெர்ஸ்க் துண்டித்துக்கொண்டது.
சர்வதேச சட்டம் மற்றும் அடிப்படை மனித உரிமைகளுக்கு இணங்குவது விருப்பத்திற்குரியது. இஸ்ரேலின் சட்டவிரோத குடியேற்றங்களுடன் வணிகம் செய்வது இனி சாத்தியமில்லை என மெர்ஸ்க் தனது அறிக்கையில் குறிப்பிட்டுள்ளது.
ஆக்கிரமிக்கப்பட்ட மேற்குக் கரையில் அதன் செயல்பாடுகளை மதிப்பாய்வு செய்ததைத் தொடர்ந்து, சர்வதேச சட்டத்தை மீறி சுமார் 500,000 இஸ்ரேலியர்கள் வசிக்கும் குடியிருப்புகளில் செயல்படும் நிறுவனங்களின் பெயர்களை வரைபடமாக்கும் ஐக்கிய நாடுகளின் மனித உரிமைகள் உயர் ஆணையரின் வழிகாட்டுதல்களைப் பின்பற்ற முடிவு செய்துள்ளதாக மெர்ஸ்க் (Maersk) தனது அறிக்கையில் தெரிவித்துள்ளது.
காசா மீதான இனப்படுகொலைக்காக இஸ்ரேல் ராணுவம் பயன்படுத்தி வரும் F-35 போர் ஜெட் பாகங்களை கொண்டு செல்வதை மெர்ஸ்க் நிறுவனம் அடுத்ததாக நிறுத்த வேண்டும் என போராட்டக்குழு அழைப்பு விடுத்துள்ளது.
